Нұр-Сұлтан қаласы әкімдігінің ""№42 орта мектеп" коммуналдық мемлекеттік мекемесінде "Астана дарыны" дарындылықты дамыту және психологиялық сүйемелдеу орталығының жоспарына сәйкес жіберілген хат бойынша 2-4 сынып оқушылары арасында I қалалық "Әдебиет әліппесі" байқауының мектепішілік кезеңі өткізілді. Байқауға 2-4 сыныптар арасынан 32 окушы қатысты. Оқушылар байқау ережесіне сай 4 номинация бойынша өнер көрсетті.

1. "Өнер алды..." ертегіні мәнерлеп жатқа оку.

2. "Ойлан, тап" берілген сөздер мен сөз тіркестерінен өлең жолдарын құрастыру.

3. "Алтын сақа" шығарманы жалғастыру

4. "Ақ желкен" шығармашылық жұмыс.

"Әдебиет әліппесі" мектепішілік сайысын директордың ғылыми-әдістемелік ісі жөніндегі орынбасары Тілекеева Ғазиза Тоқтарқызы және бастауыш әдістеме бірлестік жетекшісі Шайкенова Жайна Амангелдіқызы ұйымдастырды. Әділқазы мүшелері бастауыш сынып мұғалімі, "педагог-зерттеуші" Маржан Егінбайқызы және "педагог-сарапшы", қазак тілі мен әдебиеті пәнінің мұғалімі Ақжан Ибатбекқызы сайыста төрелік етті. Байқаудың барлық кезеңдеріне оқушыларымыз қызығушылықпен дайындалып келіп, белсенділік танытты. Байқау қорытындысы 11.10.2021 ж. күні айтылып, жүлдегер оқушылар марапатталатын болады Осындай байқауларды ұйымдастыруда "Астана дарыны" дарындылықты дамыту және психологиялық сүйемелдеу орталығына айтар алғысымыз шексіз.